Datganiad Hygyrchedd Gofal Cymdeithasol Cymru
Mae Gofal Cymdeithasol Cymru wedi ymrwymo i sicrhau hygyrchedd digidol i bob defnyddiwr, gan gynnwys pobl ag anableddau. Rydym yn gwella profiad y defnyddiwr yn barhaus ac yn cymhwyso’r safonau hygyrchedd perthnasol i sicrhau bod ein gwefan mor hygyrch â phosibl.
Mae'r wefan hon wedi'i dylunio i gydymffurfio â Chanllawiau Hygyrchedd Cynnwys y We (WCAG) 2.2 ar lefel AA. Mae'r canllawiau hyn yn esbonio sut i wneud cynnwys gwe yn fwy hygyrch i bobl ag anableddau ac yn haws ei ddefnyddio i bawb.
Er mwyn sicrhau bod ein gwefan yn hygyrch, rydym wedi gweithredu'r nodweddion canlynol:
- Testunau amgen ar gyfer cynnwys nad yw'n destun, megis delweddau ac eiconau
- Llywio ar y bysellfwrdd ar gyfer elfennau rhyngweithiol
- Llywio cyson a rhagweladwy ar draws y safle (gan gynorthwyo llywio bysellfwrdd)
- Cefnogaeth i ddarllenwyr sgrin a thechnolegau cynorthwyol eraill (Dragon Naturally Speaking, JAWS, NVDA a VoiceOver)
- Iaith glir a syml i helpu dealltwriaeth
Mae gan AbilityNet gyngor ar wneud eich dyfais yn haws ei defnyddio os oes gennych anabledd.
Er gwaethaf ein hymdrechion gorau i sicrhau hygyrchedd, mae’n bosibl nad yw rhai rhannau o’n gwefan yn bodloni safonau WCAG 2.2 yn llawn eto. Rydym wrthi’n gweithio i wella’r meysydd hyn, gan gynnwys:
- Efallai na fydd rhai dogfennau PDF yn gwbl hygyrch i ddefnyddwyr darllenwyr sgrin. Nid yw’r rheoliadau hygyrchedd yn ei gwneud yn ofynnol i ni drwsio PDFs neu ddogfennau eraill a gyhoeddwyd cyn 23 Medi 2018 os nad ydynt yn hanfodol i ddarparu ein gwasanaethau
- Gall fod cyfyngiadau hygyrchedd ar gynnwys trydydd parti ac elfennau wedi'u mewnosod
- Am resymau diogelwch, mae'r wefan yn cynnwys nodwedd goramser sy'n allgofnodi defnyddwyr ar ôl cyfnod o anweithgarwch. Ar hyn o bryd, nid oes rhybudd ymlaen llaw cyn i hyn ddigwydd. Rydym yn argymell arbed eich cynnydd yn rheolaidd
- Mae rhai achosion lle gall meddalwedd NVDA ddarllen tagiau HTML yn uchel, ac rydym yn gweithio i gywiro hyn
Ar hyn o bryd, nid ydym wedi dod ar draws unrhyw eitemau a fyddai’n cael eu hystyried yn faich anghymesur. Rydym yn parhau i fod yn ymrwymedig i wella hygyrchedd ac rydym yn gweithio'n frwd gyda'n cyflenwyr i fynd i'r afael â'r gwallau a nodwyd.
Rydym yn croesawu eich adborth ar hygyrchedd gwefan Gofal Cymdeithasol Cymru. Os byddwch yn dod ar draws unrhyw rwystrau hygyrchedd neu os oes gennych awgrymiadau ar gyfer gwella, cysylltwch â ni:
E-bost: enquiries@socialcare.wales
Ffôn: 0300 30 33 444
Ein nod yw ymateb i ymholiadau hygyrchedd o fewn saith diwrnod gwaith.
Os nad ydych yn fodlon â'n hymateb i'ch adborth, gallwch gysylltu â'r Comisiwn Cydraddoldeb a Hawliau Dynol (CCHD) i gael rhagor o gymorth. Mae rhagor o wybodaeth ar gael ar eu gwefan..
Rydym wedi ymrwymo i welliant parhaus mewn hygyrchedd ac yn adolygu ein gwefan yn rheolaidd i sicrhau cydymffurfiaeth â’r safonau hygyrchedd diweddaraf. Mae ein hymdrechion yn cynnwys:
- Cynnal archwiliadau a phrofion hygyrchedd
- Darparu hyfforddiant hygyrchedd i'n crewyr cynnwys
- Diweddaru cynnwys a nodweddion i wella defnyddioldeb
Adolygwyd y datganiad hwn ddiwethaf ar [INSERT DATE]. Byddwn yn ei diweddaru’n rheolaidd i adlewyrchu unrhyw newidiadau mewn cydymffurfiaeth hygyrchedd neu welliannau a wneir i’n gwefan.
